Пудовкин Николай Ефимович. Кескіндемеші, социалистік реализм шебері. Өзбек және қазақ суретшісі. Орынбор облысының Татищево селосында дүниеге келген. 1940-1960 жылдары Өзбекстанда, кейін Қазақстанда өмір сүрді. 1947 жылы Ташкенттегі П.П.Беньков атындағы көркемсурет училищесін бітірген. 1961 жылдан бастап КСРО Суретшілер одағының мүшесі. Республикалық және бүкілодақтық көркемсурет көрмелеріне қатысқан. Қазақ КСР-нің еңбек сіңірген суретшісі. Жұмыстары Қазақстан, Өзбекстан мұражайларында, Өзбекстан Ұлттық банкі коллекциясында және жеке коллекцияларда сақталған.