Нақысбеков Анарбек Жұматайұлы – қазақ суретшісі және кескіндемешісі. 1978 жылдан бастап КСРО Суретшілер одағының мүшесі. Қазақстан Ленин комсомолы сыйлығының лауреаты. КСРО халық шаруашылығы жетістіктері көрмесінің алтын медалімен марапатталған. Профессор, Қазақстан Республикасы Суретшілер одағының мүшесі. Талдықорған облысы Қаратал ауданындағы «Қазақ ССР-інің 30 жылдығы» колхозында туған. Абай атындағы Қазақ ұлттық педагогикалық университетінің көркем графика бөлімін бітірген (1975 ж.). Республикалық және халықаралық деңгейдегі көрмелердің қатысушысы.