Дүйсенбаев Кенжебай Дүйсенбайұлы. Әйгілі қазақстандық кескіндемеші. Қазақстан Суретшілер одағының мүшесі (1974), Қазақстанның еңбек сіңірген өнер қайраткері (1991), «Тарлан» платина сыйлығының лауреаты (2005), Қырғызстан өнер академиясының толық мүшесі (2006). Оңтүстік Қазақстан облысы, Абай ауылында дүниеге келген. А.Н. Островский атындағы Ташкент театр-көркемсурет институтын бітірген (1972). 1972 жылдан бастап қазірге дейін В. Гоголь атындағы Алматы көркемсурет училищесі - қазіргі Орал Таңсықбаев атындағы Алматы сәндік-қолданбалы өнер колледжінде сурет, кескіндеме және композиция пәндерінен сабақ берді. 2000-2003 жылдары Т. Жүргенов атындағы Қазақ ұлттық өнер академиясында сурет және кескіндеме оқытушысы болып қызмет атқарды. Оның «Созақ әуендері» атты... далее

Дүйсенбаев Кенжебай Дүйсенбайұлы. Әйгілі қазақстандық кескіндемеші. Қазақстан Суретшілер одағының мүшесі (1974), Қазақстанның еңбек сіңірген өнер қайраткері (1991), «Тарлан» платина сыйлығының лауреаты (2005), Қырғызстан өнер академиясының толық мүшесі (2006). Оңтүстік Қазақстан облысы, Абай ауылында дүниеге келген. А.Н. Островский атындағы Ташкент театр-көркемсурет институтын бітірген (1972). 1972 жылдан бастап қазірге дейін В. Гоголь атындағы Алматы көркемсурет училищесі - қазіргі Орал Таңсықбаев атындағы Алматы сәндік-қолданбалы өнер колледжінде сурет, кескіндеме және композиция пәндерінен сабақ берді. 2000-2003 жылдары Т. Жүргенов атындағы Қазақ ұлттық өнер академиясында сурет және кескіндеме оқытушысы болып қызмет атқарды. Оның «Созақ әуендері» атты туындысы 1989 жылы Каспий маңы суретшілерінің Баку биенналесінде күміс медальмен марапатталды. Қазіргі таңда суретші - қазақ ауылының ерекше тұрмыс-тіршілігі мен далалық кеңістіктің табиғатын бейнелейтін көптеген кескіндеме полотноларының авторы. Суретші шығармалары Франция, Англия, Румыния, Ресей, Қазақстан, Қырғызстан елдерінде өткен көрмелерге қойылды. Оның жұмыстары Третьяков галереясында, А. Қастеев атындағы ҚР Мемлекеттік өнер мұражайында тұр. скрыть