Қайдаров Мәлік Уайысұлы. Қазақстандық кескіндемеші. 2007 жылдан бастап ҚР Суретшілер одағының мүшесі. 1964 жылы Қызылорда облысында дүниеге келді. 1988 жылы Н.В. Гоголь атындағы Алматы көркемсурет училищесіне (қазіргі Орал Тансықбаев атындағы Алматы сәндік-қолданбалы өнер колледжі) оқуға түсті. В. И. Суриков атындағы Мәскеу мемлекеттік академиялық институтында білім алды. Қазіргі уақытта М. Кайдаров Абай атындағы Қазақ ұлттық педагогикалық университетінің академиялық кескіндеме кафедрасында оқытушы болып жұмыс істейді.