Ғалымбаева Айша Ғарифқызы. Кскіндемеші. Мәскеуде жоғары көркем білім алған алғашқы кәсіби қазақ кино суретшісі. Қазақстан суретшілер одағының мүшесі (1951). Қазақ КСР-нің еңбек сіңірген өнер қайраткері (1961). Қазақ КСР-нің халық суретшісі (1967). Ш. Уәлиханов атындағы Қазақ КСР мемлекеттік сыйлығының лауреаты (1972). «Құрмет белгісі» және «Еңбек Қызыл Ту» ордендерінің кавалері. 1917 жылы 29 желтоқсанда Алматы облысы Есік қаласында дүниеге келген. Ата-анасынан ерте айырылып, туыстарының тәрбиесінде өскен. Туыстары сурет салуға деген қызығушылығын байқап, оны Алматыдағы көркемсурет училищесіне берген. 1943 жылы Н.В. Гоголь атындағы Алматы көркемсурет училищесін (қазіргі Орал Тансықбаев атындағы Алматы сәндік-қолданбалы өнер... далее

Ғалымбаева Айша Ғарифқызы. Кскіндемеші. Мәскеуде жоғары көркем білім алған алғашқы кәсіби қазақ кино суретшісі. Қазақстан суретшілер одағының мүшесі (1951). Қазақ КСР-нің еңбек сіңірген өнер қайраткері (1961). Қазақ КСР-нің халық суретшісі (1967). Ш. Уәлиханов атындағы Қазақ КСР мемлекеттік сыйлығының лауреаты (1972). «Құрмет белгісі» және «Еңбек Қызыл Ту» ордендерінің кавалері. 1917 жылы 29 желтоқсанда Алматы облысы Есік қаласында дүниеге келген. Ата-анасынан ерте айырылып, туыстарының тәрбиесінде өскен. Туыстары сурет салуға деген қызығушылығын байқап, оны Алматыдағы көркемсурет училищесіне берген. 1943 жылы Н.В. Гоголь атындағы Алматы көркемсурет училищесін (қазіргі Орал Тансықбаев атындағы Алматы сәндік-қолданбалы өнер колледжі) үздік аяқтады, ол Л.П. Леонтьев, А.И. Бортников, А.М. Черкасскийлердің шәкірті болды. 1949 жылы Бүкілодақтық мемлекеттік кинематография институтының (Мәскеу) көркем-декоративтік факультетін «фильмдерді қоюшы-суретші» мамандығы бойынша бітірді. Дипломдық жұмысы – «Абай әндері» киносценарийіне арналған эскиздер. 1949 жылдан бастап көрмелерге қатысқан. Оның жұмыстары көркемсурет училищесінде оқып жүрген кезде-ақ жоғары бағаланды. Шығармашылық қызметін «Қазақфильм» киностудиясында бастаған, онда «Махаббат поэмасы» (1953), «Қыз-жігіт» (1956), «Бұл Шұғылада болған» (1955) фильмдеріне арналған эскиздер жасаған. Оның эскиздері үлкен көркемдікпен және халықтың тарихи өмірінің ерекшеліктерін терең білумен ерекшеленеді. 1958 жылы Ғалымбаева «Его время придет» фильмінің (Шоқан Уәлиханов туралы) костюмдері және тұрмысы бойынша бас кеңесшісі болды. 1950 жылы «Жамбыл ақын ұлын майданға шығарып салды» атты картинаны жазды. Т. Розиеваның портреті мен оюшы шебер Басенованың портреттерін салған. Ғалымбаеваның түрлі түсті натюрморттары да назар аудартады. 1960-жылдары М.Әуезовтің «Абай әндері» киносценарийіне арналған «Би соты», «Үйлену кеші», «Той», «Айтыс», «Кездесу» және басқа да тақырыптарға арналған бірқатар туындыларды дүниеге әкелді. 1963 жылы Ғалымбаева қазақ халқына деген ыстық сүйіспеншілікті көрсететін «Қазақстан әні» атты үлкен көпфигуралы картинаны орындады. 1964 жылы қазақ қыздарының ұлттық бас киімдерін бейнелейтін «Сәукеле» атты натюрмортты шеберлікпен салды. Қазақтардың дәстүрлі өнерін, декоративтік-қолданбалы өнерінің ерекшеліктерін, ұлттық киімдерін терең зерттеуге көп уақыт бөлді. 1958 жылы 60 костюмнің суретін қамтыған «Қазақтың ұлттық киімдері» альбомы жарық көрді. Кескіндемедегі ең сүйікті тақырыптарының бірі – қазақ әйелінің тағдыры, сондай-ақ халықтың талантымен жасалған ең құндыны сақтайтын заманауи шындық. Жұмыстары А. Қастеев атындағы Қазақстан Республикасы мемлекеттік өнер мұражайының коллекциясында сақтаулы. скрыть