Те Елена. Қазіргі қазақстандық суретші. Алматы қаласында дүниеге келген. Н.В. Гоголь атындағы Алматы көркемсурет училищесін (қазіргі Орал Таңсықбаев атындағы Алматы декоративті-қолданбалы өнер колледжі), кейін Абай атындағы Қазақ мемлекеттік педагогикалық институтын (көркем-графика факультеті) бітірген. П.М. Криушин, Ю.Я. Плотников, Н.Л. Стариченко, Е.П. Зальцман сынды ұстаздардан білім алды. 1988 жылдан бері кескіндемемен айналысады. 1991 жылдан бастап республикалық және шетелдік көрмелерге қатысушы. Суретшінің жұмыстары Ә. Қастеев атындағы Мемлекеттік өнер музейінде, Астана қаласындағы Ұлттық музейде және жеке коллекцияларда сақтаулы.