Табиев Бахтияр Хасанұлы. Қазақстанның еңбек сіңірген өнер қайраткері, Қазақстан Республикасы Суретшілер одағының мүшесі (1970) және Париждегі Халықаралық өнер орталығының мүшесі (1998). 1940 жылы 14 мамырда Құлжа қаласында (Қытай Халық Республикасы) дүниеге келген. 1955 жылы отбасымен Отанға – Кеңес Одағына оралды. Сол жылы Фрунзе көркемсурет училищесіне оқуға түсті. 1961-1967 жылдары Мәскеудегі В.И. Суриков атындағы мемлекеттік көркемсурет институтында А. М. Грицайдың шеберханасында, сондай-ақ профессорлар Д. Д. Жилинский және С. Н. Шильниковтан білім алды. 1967-1972 жылдары Н.В. Гоголь атындағы Алматы көркемсурет училищесінде (қазіргі Орал Тансықбаев атындағы Алматы декоративті-қолданбалы өнер колледжі) сабақ берді.... далее

Табиев Бахтияр Хасанұлы. Қазақстанның еңбек сіңірген өнер қайраткері, Қазақстан Республикасы Суретшілер одағының мүшесі (1970) және Париждегі Халықаралық өнер орталығының мүшесі (1998). 1940 жылы 14 мамырда Құлжа қаласында (Қытай Халық Республикасы) дүниеге келген. 1955 жылы отбасымен Отанға – Кеңес Одағына оралды. Сол жылы Фрунзе көркемсурет училищесіне оқуға түсті. 1961-1967 жылдары Мәскеудегі В.И. Суриков атындағы мемлекеттік көркемсурет институтында А. М. Грицайдың шеберханасында, сондай-ақ профессорлар Д. Д. Жилинский және С. Н. Шильниковтан білім алды. 1967-1972 жылдары Н.В. Гоголь атындағы Алматы көркемсурет училищесінде (қазіргі Орал Тансықбаев атындағы Алматы декоративті-қолданбалы өнер колледжі) сабақ берді. 1957 жылдан бастап бүкілодақтық көрмелерге қатысушы. 1989 жылы Мәскеуде өткен «Живопись-89» көрмесінде дипломант атанды. 1990 жылдан бастап Қазақстан татар мәдени орталықтарының қауымдастығы президиумының мүшесі. 1991 жылы «Арал мен Приаралье» сериялы жұмыстарымен КСРО Өнер академиясының дипломымен марапатталды. Табиевтің жұмыстары Ә. Қастеев атындағы Қазақстан Республикасы Мемлекеттік өнер музейінде, Мәскеудегі Третьяков галереясында, Мәскеудегі Шығыс халықтары мемлекеттік музейінде, Қырғызстан бейнелеу өнері мемлекеттік музейінде, сондай-ақ Австралия, Болгария, Германия, АҚШ, Түркия және Франциядағы жеке коллекцияларда сақталған. скрыть