Сыдыханов Абдрашит Аронұлы. Кеңестік және қазақстандық суретші. Қазақстан Суретшілер одағының мүшесі (1967). Қазақстанның еңбек сіңірген өнер қайраткері. ҚР мәдениет және өнер саласындағы Мемлекеттік сыйлықтың лауреаты. «Құрмет» орденінің кавалері. 1937 жылы Гурьев облысы Кулагино ауылында дүниеге келген. 1965 жылы Н.В. Гоголь атындағы Алматы көркемсурет училищесін (қазіргі Орал Тансықбаев атындағы сәндік-қолданбалы өнер колледжі) бітірген. Шығармашылық жолын 1960-жылдардың ортасында бастаған. 25 жыл бойы «Қазақфильм» киностудиясында қоюшы суретші болып жұмыс істеген. Осы уақыт ішінде 1000-нан астам кинофильм эскиздерін жасаған. А. Сыдыхановтың шығармашылығындағы ең гүлденген кезең ретінде 1980-жылдар белгілі, осы уақытта ол өзінің кескіндеме тілін... далее

Сыдыханов Абдрашит Аронұлы. Кеңестік және қазақстандық суретші. Қазақстан Суретшілер одағының мүшесі (1967). Қазақстанның еңбек сіңірген өнер қайраткері. ҚР мәдениет және өнер саласындағы Мемлекеттік сыйлықтың лауреаты. «Құрмет» орденінің кавалері. 1937 жылы Гурьев облысы Кулагино ауылында дүниеге келген. 1965 жылы Н.В. Гоголь атындағы Алматы көркемсурет училищесін (қазіргі Орал Тансықбаев атындағы сәндік-қолданбалы өнер колледжі) бітірген. Шығармашылық жолын 1960-жылдардың ортасында бастаған. 25 жыл бойы «Қазақфильм» киностудиясында қоюшы суретші болып жұмыс істеген. Осы уақыт ішінде 1000-нан астам кинофильм эскиздерін жасаған. А. Сыдыхановтың шығармашылығындағы ең гүлденген кезең ретінде 1980-жылдар белгілі, осы уақытта ол өзінің кескіндеме тілін өзгертіп, қазіргі кезде кеңінен танымал туындыларды жасаған – «Қараторғай әні» (1982), «Ақ бұлақ» (1986), «Қарға бақташы» (1987). 1989 жылы «Абдрашит Сыдыхановтың символдық кескіндемесі» көрмесі суретшінің шығармашылығында «ассоциативті» кезеңнің басталуын атап өтті. Қазақтың рулық таңбалары, түркі халықтарының фигуративті элементтері мен символдарын пайдалана отырып, суретші кенепте ассоциация ойын алаңын жасайды. Сонымен қатар, шығыс нақыл сөздеріне арналған көптеген жұмыстарын жазған. Туындылары А. Кастеев атындағы ҚР Мемлекеттік өнер мұражайында, Шығыс Қазақстан облыстық бейнелеу өнері мұражайында, Атырау қолданбалы өнер мұражайында, Қарағанды, Петропавл және Павлодар облыстық көркемсурет мұражайларында, Мемлекеттік Третьяков галереясында, Шығыс халықтары өнері мұражайында, Хута Катовице мұражайында (Польша) және Циммерли мұражайында (АҚШ), сондай-ақ, Қазақстан, Лихтенштейн, Израиль, АҚШ, Ұлыбритания, Германия, Франция, Канада, Түркия, Греция және БАӘ галереялары мен жеке коллекцияларында сақталған. скрыть