Плюхин Константин Иванович. Суретші-график, кескіндемеші, Екінші дүниежүзілік соғысқа қатысушы. КСРО Суретшілер одағының мүшесі (1953), Ресейдің еңбек сіңірген суретшісі. Қызыл Жұлдыз орденінің, I дәрежелі Отан соғысы орденінің, «Ерлігі үшін», «Будапешті азат ету үшін», «Днепрді басып өту үшін» медальдарының иегері. Қазақстан Суретшілер одағы басқармасының жауапты хатшысы. 1924 жылы Курган облысындағы Ключики ауылында дүниеге келген. Н.В.Гоголь атындағы Алматы көркемсурет училищесін (қазіргі Орал Тансықбаев атындағы сәндік-қолданбалы өнер колледжі) тәмамдаған. Н.Крутильниковтың шәкірті. Плюхиннің көптеген туындылары Балқаш металлургтеріне және Қарағанды кеншілеріне арналған, солардың бірі – «Перед плавкой //Алдын ала балқыту» (1957 ж.). Оның ауыл шаруашылығына және... далее

Плюхин Константин Иванович. Суретші-график, кескіндемеші, Екінші дүниежүзілік соғысқа қатысушы. КСРО Суретшілер одағының мүшесі (1953), Ресейдің еңбек сіңірген суретшісі. Қызыл Жұлдыз орденінің, I дәрежелі Отан соғысы орденінің, «Ерлігі үшін», «Будапешті азат ету үшін», «Днепрді басып өту үшін» медальдарының иегері. Қазақстан Суретшілер одағы басқармасының жауапты хатшысы. 1924 жылы Курган облысындағы Ключики ауылында дүниеге келген. Н.В.Гоголь атындағы Алматы көркемсурет училищесін (қазіргі Орал Тансықбаев атындағы сәндік-қолданбалы өнер колледжі) тәмамдаған. Н.Крутильниковтың шәкірті. Плюхиннің көптеген туындылары Балқаш металлургтеріне және Қарағанды кеншілеріне арналған, солардың бірі – «Перед плавкой //Алдын ала балқыту» (1957 ж.). Оның ауыл шаруашылығына және Арал балықшыларына арналған еңбектері де ерекше орын алады: «Первая борозда // Жерге алғаш түрен салу» (1954 ж.), «Весенние гудки //Көктемгі дабылдар» (1957 ж.). Суретші көп жыл Қостанай қаласында тұрып, жұмыс істеді. Константин Ивановичтің витраждары мен мозаикалары Қостанай әуежайы, Қостанай ЖЭО (ТЭЦ) ғимараты, әртүрлі қалалардың мәдени және өнеркәсіптік нысандарын безендіруде қолданылды. 1979 жылы Жұлдызды қалашыққа (Звездный городок) жасаған іссапарынан кейін ғарышкерлер галереясын салды, оның бірі - ғарышкердің қолтаңбасы бар Г.Т.Береговойдің графикалық портреті. Суретші сол дәуірдің басқа да батырлары – академиктер, маршалдар, еңбек ерлерінің бейнелерін де салған. 1952 жылдан бастап халықаралық, бүкілодақтық, республикалық, аймақтық және облыстық көрмелерге қатысқан. Оның туындылары Қазақстанның Ә.Қастеев атындағы Мемлекеттік өнер мұражайы, Тәжікстан Ұлттық мұражайы, Павлодар және Курған облыстық көркемсурет мұражайлары, Жұлдызды қалашықтағы ғарышкерлік мұражайы, Шушенск халықтық картиналар галереясы және басқа да мұражайлардың коллекцияларында сақтаулы. Плюхин өзінің авторлық топырағын патенттеген, осы топырақпен жабылған кенеп уақыт өте келе түстерін жоғалтпайды, бастапқы сапасын тамаша сақтайды және +40-тан -40 градусқа дейінгі температура айырмашылықтарына төзімді. скрыть