Оспанов Ғалым. Қазіргі заманғы қазақстандық кескіндемеші. 1993 жылдан бастап Қазақстан Суретшілер одағының мүшесі. Солтүстік Қазақстанның Қостанай қаласында 1958 жылдың шілде айында дүниеге келген. 1978 жылы Н.В. Гоголь атындағы Алматы көркемсурет училищесін (қазіргі Орал Тансықбаев атындағы Алматы декоративтік-қолданбалы өнер колледжі), 1983 жылы Т. Жүргенов атындағы Алматы театр және көркемсурет институтын (қазіргі Т. Жүргенов атындағы Қазақ ұлттық өнер академиясы) бітірген. П. Криушин мен Е. Мергеновтен тәлім алған. 1993 жылдан бері көптеген көрмелердің, соның ішінде жеке көрмелердің қатысушысы. Қазіргі уақытта Алматы қаласында тұрып, жұмыс істеп жатыр.