Нұрғожин Мейіржан. Қазақстандық заманауи суретші. ҚР Суретшілер одағының және «AlmaLine» халықаралық шығармашылық тобының мүшесі. 1971 жылы дүниеге келген. 1990 жылы Н.В. Гоголь атындағы Алматы көркемсурет училищесін (қазіргі Орал Тансықбаев атындағы Алматы декоративтік-қолданбалы өнер колледжі), 1998 жылы Т. Жүргенов атындағы Мемлекеттік өнер академиясын бітірген. Мейіржанның айтуынша, еуропалық суретшілердің ішінде алғаш еліктегісі келгені Мариано Фортуни болды. Темперамент, түске дәл түсу, детальдарды мұқият жазу және академиялық білім, романтикалық құштарлық – осының бәрі жас Мейіржанның сүйіспеншілік объектісіне айналды. Кейінірек Джон Сарджент пен Роберт Фредерик Блюм сияқты кумирлері пайда болды. Қиын-қыстау 90-шы жылдары Мейіржан басқа... далее

Нұрғожин Мейіржан. Қазақстандық заманауи суретші. ҚР Суретшілер одағының және «AlmaLine» халықаралық шығармашылық тобының мүшесі. 1971 жылы дүниеге келген. 1990 жылы Н.В. Гоголь атындағы Алматы көркемсурет училищесін (қазіргі Орал Тансықбаев атындағы Алматы декоративтік-қолданбалы өнер колледжі), 1998 жылы Т. Жүргенов атындағы Мемлекеттік өнер академиясын бітірген. Мейіржанның айтуынша, еуропалық суретшілердің ішінде алғаш еліктегісі келгені Мариано Фортуни болды. Темперамент, түске дәл түсу, детальдарды мұқият жазу және академиялық білім, романтикалық құштарлық – осының бәрі жас Мейіржанның сүйіспеншілік объектісіне айналды. Кейінірек Джон Сарджент пен Роберт Фредерик Блюм сияқты кумирлері пайда болды. Қиын-қыстау 90-шы жылдары Мейіржан басқа салаға кетуге бекініп, заңгер мамандығы бойынша екінші білім алды, осылайшы ол шығармашылықпен біржолата қоштастым деп ойлады. Алайда, кескіндемеге деген ностальгия, шығармашылық пен жаңа туындылар жасауға деген құштарлық оны қайта оралтты. Т. Жүргенов атындағы Өнер академиясының жетекшісі, ұстазы және суретші Жұмақын Қайрамбаевтың 50 жылдық мерейтойына арналған ұжымдық көрмеге қатысуға шақырту алуы бұл шешімнің басты себепшісі болды. Оған Досбол Қасымов, Талғат Тілеужанов, Өмірбек Жұбаниязов сияқты оның шәкірттері қатысқан. Бұл шығармашылық пікірталастар, дайындық жұмыстарының қызықты кезеңі болды. Кейіннен Ә. Қастеев атындағы өнер мұражайында үлкен көрме өтті. Мейіржан жазған сурет сол көрмеден сатып алынды. Сол кезден бастап ол мамандығынан қол үзбеді... Мейіржан кескіндемеде реалистік әдісті ұстанушы, оның барлық ой-қиялы мен картиналары – бұл балалық шақтың әсерлері мен естеліктері, жастық шақ сезімдері мен болмыс мәні туралы терең ойларын қамтиды. Оның шығармашылығы нәзік ұлттық колориті мен лирикалық көңіл-күйімен ерекшеленеді. Мейіржан өзін белгілі бір тақырыптармен шектемейді, оған тарихи және соғыс көріністері, тұрмыстық суреттер, дала және тау, сондай-ақ қала пейзаждары, романтикалық-лирикалық сюжеттер мен натюрморттар қызық. Оның шығармашылығында балалық шақ тақырыбы ерекше орын алады. Мейіржан Нұрғожин – Қазақстан Суретшілер одағының мүшесі, 2000 жылдан бері көптеген көрмелердің қатысушысы. 2014 жылғы 28 қазанда Нью-Йорктегі БҰҰ штаб-пәтерінде ресми ашылуы өткен қазақстандық және америкалық белгілі суретшілердің «Мәңгілік даланың дауысы» көрмесіне оның туындылары ұсынылды. 2016 жылдың соңында Астана қаласында өткен және Қазақстан Республикасы тәуелсіздігінің 25 жылдығына арналған «Тәуелсіздік - бабалар аманаты» көрмесінде де оның туындылары қойылды. Оның жұмыстары Астана қаласындағы Ұлттық мұражайда, Ә. Қастеев атындағы Мемлекеттік өнер мұражайында және Германия, Австрия, Жапония, АҚШ, Италия, Мексика елдерінің жеке коллекцияларында сақтаулы. скрыть