Кенжебаев Шыңғыс Бейсембайұлы. Қазақстандық график-суретші. КСРО Суретшілер одағының мүшесі (1961 ж.). 1927 жылы Қызылорда қаласында қызметкердің отбасында дүниеге келген. 1954 жылы Алматы көркемсурет училищесін, 1960 жылы Мәскеу мемлекеттік көркемсурет институтын бітірген. Рейнер, Черенних, Кибрик және Моторин шеберханаларында оқыған. График, линогравюра техникасында пісіп-жетілген шеберлігін көрсеткен. Әсіресе, оның «Менің ауылымның адамдары» (1960 ж.) сериясындағы «Ана», «Тоқымашы», «Кешкі ән» атты туындылары ерекше қызықты, мұнда суретші бейнеленген мотивті қысқа әрі нұсқа етіп дәл жеткізе білген. Суретшінің туындылары Ә. Қастеев атындағы Қазақстанның Мемлекеттік өнер мұражайының қорында сақтаулы.