Калачев Дмитрий Романович. Ұлы Отан соғысына қатысушы, КСРО медальдарымен марапатталған. КСРО Суретшілер одағының мүшесі. 1948 жылдан бастап көрмелердің қатысушысы. Ол Кемерово облысының Калачево селосында дүниеге келген. Н.В. Гоголь атындағы Алматы көркемсурет училищесін (қазіргі Орал Тансықбаев атындағы Алматы сәндік-қолданбалы өнер колледжі) бітірген, (оқыған жылдары -1944-1946). А.М. Черкасский және Л.П. Леонтьевтің шәкірті болды. 1950 жылдан бастап Алматы қаласында тұрып, жұмыс істеді. Оның туындылары А. Қастеев атындағы Мемлекеттік өнер музейінде, Ресейде және жеке коллекцияларда сақталған.