Исмаилова Гульфайрус Мансуровна. Қазақстандық театр суретшісі, кескіндемеші, киноактриса. Қазақстан Суретшілер одағының мүшесі (1957), Қазақстанның халық суретшісі (1987), Қазақстанның еңбек сіңірген өнер қайраткері (1965). 1929 жылы Алматыда дүниеге келген. Шын есімі – Қонарбаева Күлпаш Тансықбайқызы. Репрессияланған туған әкесінің фамилиясын және өзіне туған кезде берілген есімді тек 90-шы жылдары ғана жария етуге батылы барған. Гульфайрусты бала кезінде Мансұр Исмаилов асырап алған, ол оның бес баласының үлкені болды. Алматы көркемсурет училищесін бітірді, А. Черкасский шеберханасында оқыды (1944). 1950-1956 жылдары И. Репин атындағы Ленинград кескіндеме, мүсін және архитектура институтының (қазіргі Илья Репин атындағы Санкт-Петербург... далее

Исмаилова Гульфайрус Мансуровна. Қазақстандық театр суретшісі, кескіндемеші, киноактриса. Қазақстан Суретшілер одағының мүшесі (1957), Қазақстанның халық суретшісі (1987), Қазақстанның еңбек сіңірген өнер қайраткері (1965). 1929 жылы Алматыда дүниеге келген. Шын есімі – Қонарбаева Күлпаш Тансықбайқызы. Репрессияланған туған әкесінің фамилиясын және өзіне туған кезде берілген есімді тек 90-шы жылдары ғана жария етуге батылы барған. Гульфайрусты бала кезінде Мансұр Исмаилов асырап алған, ол оның бес баласының үлкені болды. Алматы көркемсурет училищесін бітірді, А. Черкасский шеберханасында оқыды (1944). 1950-1956 жылдары И. Репин атындағы Ленинград кескіндеме, мүсін және архитектура институтының (қазіргі Илья Репин атындағы Санкт-Петербург өнер академиясы) театр-декорация бөлімінде оқыған. Гульфайрус Исмаилованың жұбайы кеңестік график-суретші, Қазақ КСР-нің еңбек сіңірген өнер қайраткері (1965), Қазақ КСР-нің халық суретшісі (1981) Евгений Матвеевич Сидоркин болды. Академияның екінші курсын аяқтаған соң, Сидоркин Қазақстанға тәжірибеге барған. Үшінші курста олар заңды некеге тұрады. Олардың ұлы Вадим Евгеньевич Сидоркин атақты ата-анасының ізімен жүріп, Илья Репин атындағы Санкт-Петербург өнер академиясында білім алды. Гульфайрус Исмаилова Алматыда тұрды және жұмыс істеді. 1956-1957 жылдары көркемсурет училищесінде сабақ берді. Театр өнері, станок кескіндемесі және кино саласында жұмыс істеді. 7 толықметражды көркем фильмге түсті. Сұлтан Ходжиковтың «Қыз-Жібек» фильмінің қоюшы-суретшісі болып, V Бүкілодақтық кинофестивальде ең үздік көркем безендіруші сыйлығын алды. 29 жасында танымал портреттік триптихтің алғашқы кескіндемелік картинасы - «Қазақ вальсін» жазды. 16 жыл бойы Абай атындағы ГАТОБ-та (Алматы) декоратор-суретші болып жұмыс істеді. Ол Е. Брусиловскийдің «Ер-Тарғын», С. Мұхамеджановтың «Жұмбақ қыз», Пуччинидің «Чио-Чио-Сан», Е. Рахмадиевтің «Алпамыс», Россинидің «Севильдік шаштараз», Римский-Корсаковтың «Патшайым қалыңдық», П. Чайковскийдің «Иоланта», Вердидің «Риголетто» операларына, «Қыз-Жібек» кинофильміне, Ғ. Мүсіреповтің «Қозы-Көрпеш – Баян Сұлу» драмасына, Б. Астафьевтің «Бақшасарай субұрқағы», П. Чайковскийдің «Аққу көлі», И. Штраустың «Петербургпен қоштасу» балеттеріне жасалған декорациялар мен костюмдер эскиздерінің авторы. Гүлфайрус Исмаилова шамамен 100-ге жуық портреттік және кескіндемелік туындылардың авторы. Оның көптеген шығармаларының айрықша ерекшелігі – қазақтың көркем мәдениетінің дәстүріне үйлесімді декоративтілік. Исмаилова Қазақстан, Ресей, ГДР, Англия, Югославия, Италия, Испания, Жапония, Францияда өткен көрмелерге қатысқан. Оның шығармашылығы - Қазақстан бейнелеу өнері дамуының ең жарқын парақтарының бірі. Туындылары - Қазақстан мен Ресейдің жетекші музейлерінің, соның ішінде А. Қастеев атындағы Мемлекеттік өнер музейінің коллекцияларының сәні. скрыть