Жунузалиев Осмонбек Болатбекұлы – қазіргі заманғы қырғыз суретшісі. 2013 жылдан бастап Қырғызстан Суретшілер одағының мүшесі. 1992-1995 жылдары С. А. Чуйков атындағы Қырғыз көркемсурет училищесін тәмамдады. Кейіннен И. Арабаев атындағы Қырғыз мемлекеттік педагогикалық университетінде «Бейнелеу өнері және сызу» мамандығы бойынша білім алды. Бішкек қаласындағы «Кыл-Калем» қоғамдық ұйымында жұмыс істеді. 2005 жылдан бастап топтық және республикалық көрмелерге белсенді қатысып келеді. Суретшінің жұмыстары Қырғызстанда, жақын және алыс шетелдерде сақталған.