Гончарова Галина Степановна. Абстрактілік кескіндеме суретшісі. 1988 жылдан бастап Қазақстан суретшілер одағының мүшесі, 1988 жылдан бастап КСРО суретшілер одағының мүшесі. 1942 жылы Ақмола облысы, Балқашин ауданы, Құмдыкөл ауылында туған. Орел қаласындағы педагогикалық институттың көркем-графикалық факультетін бітірген. 1969 жылдан бастап Астана қаласында тұрды. 1970 жылдан бастап көрмелерге қатыса бастады. Астанадағы «Vincent» атты көркемсурет бірлестігінің мүшесі болды. Қазір Мәскеуде тұрады. Суретші туралы мақала «Қазақстан өнерінің антологиясы – Кескіндеме» кітабына (Алматы, 2004 ж.) енгізілген. Суретшінің жұмыстары Ресей, Қазақстан, Австралия, Германия, Канада, Швециядағы жеке коллекцияларда сақталған.