Голубович Василий Васильевич. Кеңестік театр суретшісі, Қазақ КСР-нің еңбек сіңірген өнер қайраткері (1954). 1910 жылғы 10 қаңтарда Коханово кентінде (қазіргі Толочин ауданы, Витебск облысы, Беларусь) дүниеге келген. Украинада, Екатеринославта (қазіргі Днепр қаласы) өскен. Орта білімді осында алған. Сол жерде Диевка теміржол станциясындағы (қазір Днепр қ. құрамында) драмалық студияға қатысқан. 1927 жылы Киев мемлекеттік көркемсурет институтына түсіп, 1932 жылы бітірген. Оның ұстазы Федор Кричевский – Украин өнер академиясының алғашқы ректоры, Киев көркемсурет институтының профессоры, УССР-дің еңбек сіңірген өнер қайраткері болды. Институтты бітірген соң Голубович Днепропетровскіге оралды. 1932 жылы Оңтүстіктегі металлургтердің Орталық... далее

Голубович Василий Васильевич. Кеңестік театр суретшісі, Қазақ КСР-нің еңбек сіңірген өнер қайраткері (1954). 1910 жылғы 10 қаңтарда Коханово кентінде (қазіргі Толочин ауданы, Витебск облысы, Беларусь) дүниеге келген. Украинада, Екатеринославта (қазіргі Днепр қаласы) өскен. Орта білімді осында алған. Сол жерде Диевка теміржол станциясындағы (қазір Днепр қ. құрамында) драмалық студияға қатысқан. 1927 жылы Киев мемлекеттік көркемсурет институтына түсіп, 1932 жылы бітірген. Оның ұстазы Федор Кричевский – Украин өнер академиясының алғашқы ректоры, Киев көркемсурет институтының профессоры, УССР-дің еңбек сіңірген өнер қайраткері болды. Институтты бітірген соң Голубович Днепропетровскіге оралды. 1932 жылы Оңтүстіктегі металлургтердің Орталық Мәдениет сарайының жанындағы көркем-плакат шеберханасының жетекшісі болып жұмыс істеді. Театр суретшісі ретінде Днепропетровск театрларында (жасөспірімдер театры, опера театры, 1933-1941) жұмыс істеді. Содан кейін 1943-1946 жылдары Саратов театрларында (жасөспірімдер театры, К. Маркс атындағы театр) жұмыс істеді. 1946-1958 жылдары Қазақ драма театрының бас суретшісі. 1958-1962 жылдары Я. Купала атындағы театрдың бас суретшісі болды. 1947 жылдан бастап Н.В.Гоголь атындағы Алматы көркемсурет училищесінің, 1959-1965 жылдары Беларусь театр және көркемсурет институтының оқытушысы болды. 1991 жылы 28 желтоқсанда Минскіде қайтыс болды. скрыть