Ведерников Виталий Владимирович. 1973 жылы Алматы қаласында дүниеге келген. 1989-1993 жылдары О.Таңсықбаев атындағы Алматы көркемсурет училищесінде оқып, оны тәмамдады. Суретші натюрморттармен жұмыс істейді, қазақ ұлттық тақырыбы бойынша картиналар жазады, дегенмен Виталийдің сүйікті жанры – пейзаж. Оның пейзаждарында күзгі сары алтын ормандар, сылдырап ағып жатқан тау бұлақтары, қалың қар жамылған қысқы шыршалар, жазғы панорамалар бейнеленген. Әртүрлі көрмелерге, бірлескен және жеке көрмелерге қатысты. Суретшінің жұмыстары Қазақстан, Ресей, Германия, Түркия, Ұлыбританиядағы жеке коллекцияларда сақтаулы.